НЕДЕЛЯ ВСЕХ СВЯТЫХ

Тропарь, глас 4

Иже во всем ми́ре му́ченик Твои́х,/ я́ко багряни́цею и ви́ссом,/ кровьми́ Це́рковь Твоя́ украси́вшися,/ те́ми вопие́т Ти Христе́ Бо́же:/ лю́дем Твои́м щедро́ты Твоя́ низпосли́,/ мир жи́тельству Твоему́ да́руй,// и душа́м на́шим ве́лию ми́лость.

Кондак, глас 8

Яко нача́тки естества́, Насади́телю тва́ри,/ вселе́нная прино́сит Ти Го́споди богоно́сныя му́ченики./ Тех моли́твами в ми́ре глубо́це Це́рковь Твою́,// жи́тельство Твое́, Богоро́дицею соблюди́ Многоми́лостиве.

Рождество честного славного Пророка, Предтечи и Крестителя Иоанна

Тропарь, глас 4 

Проро́че и Предте́че прише́ствия Христо́ва,/ досто́йно восхвали́ти тя недоуме́ем мы, любо́вию чту́щии тя:/ непло́дство бо ро́ждшия и о́тчее безгла́сие разреши́ся/ сла́вным и честны́м твои́м рождество́м,// и воплоще́ние Сы́на Бо́жия ми́рови пропове́дуется.

10 июля - день памяти св.преподобного Амвросия (Гренкова), Оптинского, иеросхимонаха (19-й век)

Тропарь

Я́ко к целебному источнику, притекаем к Тебе, Амвросие, отче наш, ты бо на путь спасения нас верно наставляеши, молитвами от бед и напа́стей охраняеши, в телесных и душевных ско́рбех утешаеши, па́че же смирению, терпению и любви науча́еши; моли Человеколюбца Христа и Заступницу усердную спастися душа́м нашим.

Кондак

Заве́т Пастыреначальника исполнив, старчества благодать наследовал еси́, боле́знуя сердцем о всех, с верою притекающих к Тебе. Темже и мы, ча́да твоя, с любовию вопие́м ти: отче святый Амвросие, моли Христа Бога спастися душа́м нашим.

Величание

Ублажаем тя, преподобне отче Амвросие, и чтим святую память твою, наставниче монахов и собеседниче ангелов.

13 ИЮЛЯ СОБОР СВЯТЫХ СЛАВНЫХ И ВСЕХВАЛЬНЫХ 12-ТИ АПОСТОЛОВ

☦️ Тропарь Собору славных и всехвальных 12-ти Апостолов, глас 4: 

Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.

☦️ Кондак Собору славных и всехвальных 12-ти Апостолов, глас 2:

Ка́мень Христо́с ка́меня Ве́ры прославля́ет све́тло,/ ученико́в преизря́дна,/ и с Па́влом весь дванадесяточи́сленный Собо́р днесь;/ и́хже па́мять соверша́юще ве́рно,// сих Просла́вльшаго прославля́ем.

18 ИЮЛЯ ПРАВОСЛАВНАЯ ЦЕРКОВЬ ПРОСЛАВЛЯЕТ ОБРАЗ БОЖИЕЙ МАТЕРИ, ИМЕНУЕМЫЙ "ЭКОНОМИССА" ("ДОМОСТРОИТЕЛЬНИЦА")

☦️ Тропарь Пресвятой Богородице пред иконой Ея «Экономисса», глас 4

Предста́тельство стра́шное и непосты́дное,/ не пре́зри, Блага́я, моли́тв на́ших,/ Всепе́тая Богоро́дице, Ми́лостивая ве́рных Домострои́тельнице,/ утверди́ правосла́вных жи́тельство,/ спаси́ страну́ на́шу/ и всех правосла́вно живу́щих в ней защити́,// зане́ родила́ еси́ Бо́га, Еди́на Благослове́нная.

☦️ 18 ИЮЛЯ ПРАВОСЛАВНАЯ ЦЕРКОВЬ ВСПОМИНАЕТ ОБРЕТЕНИЕ ЧЕСТНЫХ МОЩЕЙ ИГУМЕНА ЗЕМЛИ РУССКОЙ ПРЕПОДОБНОГО СЕРГИЯ РАДОНЕЖСКОГО

☦️ Тропарь преподобному Сергию, игумену Радонежскому, на обретение мощей, глас 8

От ю́ности восприя́л еси́ Христа́ в души́ твое́й, преподо́бне/ и па́че всего́ вожделе́л еси́ мирска́го мяте́жа уклони́тися:/ му́жески в пусты́ню всели́лся еси́,/ и ча́да послуша́ния в ней, плоды́ смире́ния, возрасти́л еси́./ Тем, быв Тро́ице вселе́ние,/ чудесы́ твои́ми всех просвети́л еси́, приходя́щих к тебе́ ве́рою,/ и исцеле́ния всем подая́ оби́льно.// О́тче наш Се́ргие, моли́ Христа́ Бо́га, да спасе́т ду́ши на́ша.

☦️ 18 ИЮЛЯ ПРАВОСЛАВНАЯ ЦЕРКОВЬ ЧТИТ ПАМЯТЬ ПРЕПОДОБНОГО АФАНАСИЯ АФОНСКОГО

☦️ Кондак преподобному Афанасию Афонскому, глас 8

Я́ко невеще́ственных суще́ств зри́теля изря́дна,/ и де́ятельна сказа́теля всеи́стинна,/ взыва́ет тя ста́до твое́, Богоглаго́льниче:/ не оскуде́й моля́ о рабе́х твои́х,/ изба́витися напа́стей и обхожде́ний, вопию́щим ти́:// ра́дуйся, о́тче Афана́сие.

18 июля. Память Преподобномученицы Великой Княгини Елисаветы Федоровны и с нею инокини Варвары.
День убиения алапаевских мучеников:Великих Князей Сергия, Иоанна, Константина и Игоря, князя Владимира и раба Божия Феодора.

28 июля - день памяти св.равноапостольного Владимира (в Крещении Василия), великого князя (11-й век)

Тропарь

Уподобился еси́ купцу, ищущему добраго би́сера, славнодержавный Владимире, на высоте стола седя́ ма́тере градо́в, богоспасаемаго Киева: испыту́я же и посылая к Царскому гра́ду уве́дети православную веру, обре́л еси́ безценный бисер – Христа, избравшаго тя, я́ко втора́го Павла, и оттрясшаго слепоту во святе́й купе́ли, душевную вку́пе и телесную. темже празднуем твое́ успение, лю́дие твои су́ще, моли спастися державы твоея́ Росси́йския начальником и множеству владо́мых.

Кондак

Изрядному воеводе и правоверному, благодарственная воспису́ет ти вся Русь, Василие, имущи тя начальника и заступника, я́ко избавил еси́ нас от вся́кия скверны и лести, темже ти вопие́м: радуйся, великий княже Владимире преблаженне.

Величание

Величаем тя, святы́й равноапостольный великий княже Владимире, и чтим святую память твою, идолы поправшаго и всю Российскую землю Святым Крещением просветившаго.

2 АВГУСТА ПРАВОСЛАВНАЯ ЦЕРКОВЬ ЧТИТ ПАМЯТЬ ПРОРОКА ИЛИИ

☦️ Тропарь пророка Илии, глас 4

Во пло́ти А́нгел,/ проро́ков основа́ние,/ вторы́й Предте́ча прише́ствия Христо́ва Илия́ сла́вный,/ свы́ше посла́вый Елисе́еви благода́ть,/ неду́ги отгоня́ти/ и прокаже́нныя очища́ти,// те́мже и почита́ющим его́ то́чит исцеле́ния

☦️ Кондак пророка Илии, глас 2

Проро́че и прови́дче вели́ких дел Бо́га на́шего,/ Илие́ великоимени́те,/ веща́нием твои́м уста́вивый водото́чныя о́блаки,// моли́ о нас еди́наго Человеколю́бца

☦️ Величание пророка Илии

Велича́ем тя,/ святы́й сла́вный проро́че Бо́жий Илие́,/ и чтим, е́же на Небеса́/ на колесни́це о́гненней,// пресла́вное восхожде́ние твое́

☦️ 6 АВГУСТА ПРАВОСЛАВНАЯ ЦЕРКОВЬ ВСПОМИНАЕТ СВЯТЫХ СТРАСТОТЕРПЦЕВ, РОССИЙСКИХ КНЯЗЕЙ БОРИСА И ГЛЕБА

☦️ Тропарь благоверным князьям Борису и Глебу, во святом Крещении Роману и Давиду, глас 2

Правди́вая страстоте́рпца/ и и́стинная Ева́нгелия Христо́ва послу́шателя,/ целому́дренный Рома́не с незло́бивым Дави́дом,/ не сопроти́в ста́ста врагу́ су́щу бра́ту,/ убива́ющему телеса́ ва́ша,/ душа́м же косну́тися не могу́щу./ Да пла́чется у́бо злый властолю́бец,/ вы же ра́дующеся с ли́ки А́нгельскими,/ предстоя́ще Святе́й Тро́ице,/ моли́теся о держа́ве сро́дников ва́ших, богоуго́дней бы́ти,// и сыново́м Росси́йским спасти́ся.

☦️ Величание благоверным князьям Борису и Глебу, во святом Крещении Роману и Давиду

Велича́ем вас, страстоте́рпцы святи́и Бори́се и Гле́бе, и чтим честна́я страда́ния ва́ша, я́же за Христа́ претерпе́ли есте́.

14 АВГУСТА ПРАВОСЛАВНАЯ ЦЕРКОВЬ ВСПОМИНАЕТ ПРОИСХОЖДЕНИЕ (ИЗНЕСЕНИЕ) ЧЕСТНЫХ ДРЕВ ЖИВОТВОРЯЩЕГО КРЕСТА ГОСПОДНЯ

☦️ Тропарь Креста Господня, глас 1

Спаси́, Го́споди, лю́ди Твоя́/ и благослови́ достоя́ние Твое́,/ побе́ды Православным Царям нашим на сопроти́вныя да́руя// и Твое́ сохраня́я Кресто́м Твои́м жи́тельство.

☦️ Кондак Креста Господня, глас 4

Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ си́лою Твое́ю Православных Царей наших,/ побе́ды дая́ им на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.

28 АВГУСТА  ПРАВОСЛАВНАЯ ЦЕРКОВЬ ПРАЗДНУЕТ УСПЕНИЕ ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ И ПРИСНОДЕВЫ МАРИИ

☦️ Тропарь, глас 1

В рождестве́ де́вство сохрани́ла еси́,/ во успе́нии ми́ра не оста́вила еси́, Богоро́дице,/ преста́вилася еси́ к животу́, Ма́ти су́щи Живота́,// и моли́твами Твои́ми избавля́еши от сме́рти ду́ши на́ша.

☦️ Кондак, глас 2

В моли́твах неусыпа́ющую Богоро́дицу/ и в предста́тельствах непрело́жное упова́ние/ гроб и умерщвле́ние не удержа́ста:/ я́коже бо Живота́ Ма́терь/ к животу́ преста́ви// во утро́бу Всели́выйся присноде́вственную.

6 сентября - день памяти св.равноапостольного священномученика Космы Этолийского, иеромонаха Афонского и Албанского (18-й век)

Тропарь

Божественныя веры учением украси́л еси́ Церковь, ревнитель апостолов быв, и насеяв божественныя догма́ты, мученически подвиг сконча́л еси́. Космо́ преславный, Христа Бога моли, дарова́ти нам ве́лию милость.

Кондак

Я́ко свети́ло новоявле́нное, Церковь всю озаряеши евангельскими уче́нии, Космо́, Христовым апостолом равный, сего́ ра́ди Церковь достойно празднует память твою.

Величание

Величаем тя, святы́й равноапостольный Космо́, и чтим болезни и труды твоя, и‌миже труди‌лся еси́ во благове‌стии Христо́ве.

Отредактировано Vlad (2025-09-06 10:32:03)

10 сентября - СОБОР СВ.ПРЕПОДОБНЫХ ОТЦОВ КИЕВО-ПЕЧЕРСКИХ, В ДАЛЬНИХ ПЕЩЕРАХ (СВ.ПРЕП. ФЕОДОСИЯ) ПОЧИВАЮЩИХ.

Тропарь

Мысленное солнце и светлую луну, первоначальных Печерских, со всем собором преподобных днесь почтим, Ти́и бо, церковную твердь озаряюще, просвещают во тьме страстей бедствующих, и подают от Христа Бога молитвами своими помощь во всех скорбех, и душа́м нашим просят избавления.

Кондак

Избра́ннии от всех родо́в угодницы Божии, святии преподобнии Печерстии, на сих горах добродетельми просиявшии, вас земля не потаи́ла есть, но Небо отве́рзеся вам и райское селение. темже мы похва́льныя песни Богу, прославльшему вас, в памяти вашей приносим; вы же, я́ко имущии дерзновение, ваш собор почитающих от всех бед молитвами вашими заступайте, я́ко заступницы наши и к Богу хода́таи.

Величание

Величаем вас, преподобнии отцы наши Печерстии, и чтим святую память вашу, вы бо мо́лите о нас Христа Бога нашего.

☦Устав о трапезе и о том, как следует провести день Усекновения Честной Главы Иоанна Крестителя.

11 сентября - Усекновение главы Иоанна Предтечи и Крестителя Господня.
На трапезе горячая пища с растительным маслом.
В храмах после литургии будет совершен молебен о страждущих недугом винопития.

Типикон: «Зри постнаго сего устава на усекновение честныя главы предтечевы, древними святыми отцы
в сей день завещаннаго. Суть убо нецыи предают качеству быти тогда снедей, а не посту,
о том бо не возмогохом ничтоже обрести написано в различных типицех:
но паче достоит в той день всяко воздержатися постом, за истину пострадавшаго пророка, и проповедавшаго во аде Господа.

Разрешению же быти точию на древяное масло, и прочая от различных овощнаго плода,
и по мере единой чашице вина в славу божию, труда ради бденнаго.
Всяко бо достоит нам в той день сетованием унылым быти, а не чревоугождение имети
воздержательнаго ради жития святаго, и скверноубийственнаго кровопролития его от ирода:
понеже усечена бысть глава предтечева на пиру плясанием блудныя плясавицы, и чревоугодием,
и различных животных закланием и кровопролитием.

Нам же ниединаго от таковых животных, из нихже кровь изливается, но ниже рыб
[кровь бо имеют, аще и в воде жительствуют, и от тварей животных суть] подобает вкушати:
да не сообщницы явимся иродову чревоугодию.

Како бо крестителево честное усекновение почтити восхощем?
Мясо ли хощем ясти, или от иных различных брашен многоценных?
А он живяше в пустыни безводней, и безтравней: ни хлеба ядяше, ни трапезы имяше. вино ли пием?
а он никогдаже пияше вина, ни инаго пития мирскаго: ни в храмех живяше, но под каменем вкопався живяше.
Стол и трапеза, и одр ему бяше земля, разве нужды естественныя, единою днем вкушаше акриды и мед дивий:
чаша же ему пригорщи бяше, а питие из камене текущая вода.

Темже братие усердно почтим день сей молитвою и постом в целомудрии, отбежим пиянственнаго сего злаго нрава.
Аще бо кто неверствием одержимь будет, и узаконеннаго сего многоразсудительнаго повеления не сохранит,
таковый зле пагубныя напасти постраждет: право содержащих же подвиг сей Господи благослови,
и управи молитвами святаго предтечи. (глава 48, 29 августа,«зри»)»

Пост в день Усекновения главы Иоанна Предтечи установлен, вероятнее всего, вместе с праздником,
начало которого относится к первым временам христианской Церкви.
Древность поста в этот день подтверждается уставом иерусалимского монастыря прп. Саввы Освященного.
В нем говорится, что пост в день Усекновения главы Иоанна Предтечи «завещан древними святыми отцами».

«Не будем мы сообщниками чревоугодия Ирода», –говорится в уставе и далее поясняется,
как правильно относиться к этому празднику: "Будем есть мясо или другую изысканную пищу?
А Креститель жил в безводной и бестравной пустыне — ни хлеба не ел, ни другой еды не имел.
Вино пьем? А он не пил ни вина, ни другого питья мирского. Столом и одром его была земля,
вкушал он только акриды (стручки рожкового дерева, по другим источникам — род съедобной саранчи) и дикий мед.
Вместо чаши - пригоршни воды, текущей из камня. Поэтому проведем этот день в посте и молитве».

13 сентября - ПОЛОЖЕНИЕ ЧЕСТНО́ГО ПОЯСА ПРЕСВЯТОЙ БОГОРОДИЦЫ (5-й век)

Тропарь

Богоро́дице При́снодево, челове́ков Покро́ве, ри́зу и по́яс пречи́стаго Твоего телесе́, державное гра́ду Твоему обложе́ние дарова́ла еси́, безсе́менным рождеством Твоим нетленна пребыва́ющи, о Тебе́ бо и естество обновляется и время. темже олим Тя мир гра́ду Твоему дарова́ти и душа́м нашим ве́лию милость.

Кондак

Богоприятное Твоне чре́во, Богородице, объе́мший по́яс Твой честны́й держава гра́ду Твоему необори́ма и сокровище есть благи́х неоску́дно, еди́на ро́ждшая Приснодево.

Величание

Величаем Тя, Пресвятая Дево, Богоизбра́нная Отрокови́це, и чтим Пояс Твой святы́й, и́мже то́чиши исцеления всем с верою притекающим.